Zthamarakattu

/സക്കറിയാസ് താമരക്കാട്ട്
­

About സക്കറിയാസ് താമരക്കാട്ട്

This author has not yet filled in any details.
So far സക്കറിയാസ് താമരക്കാട്ട് has created 2 blog entries.
3 08, 2018

ദനഹാ ദർശനം

By |August 3rd, 2018|

മണ്ണാൽ മനുഷ്യനെ മെനഞ്ഞവൻ
മണ്ണിൽ മാനവ സുതനായി
മനം കവർന്നു, മാനം തിരികെ നൽകി
മനുജർ മാലഖമാരൊത്തു ഗീതികൾ പാടി

ജോർദാൻ ജലധി പുളകിതമായ് വീണ്ടും
ജലത്തിന്നധിനാഥനാൽ ജലമഖിലം ദിവ്യമായ്
ജലത്താൽ വാഗ്ദത്തമായി പുനർജീവിതം
ജഡമോഹത്തെ ജയ്ച്ചവർ ദൈവ സുതരായി

സൂര്യനുദിച്ചപോൽ പൊന്തിയവൻ സലിലത്തിൽ
സുരഭില പ്രകാശം പരന്നു പാരിടമാകെ
സുവിശേഷ സന്ദേശം സുഗുണ വിശേഷം
സൂക്ഷിച്ചു ശ്രവിക്കുകെൻ സുപുത്രനെ

ഭൂമിയിൽ സ്വർഗ്ഗ പുന:സ്ഥാപനം
ഭൂതലമാകെ പ്രകാശസ്ഫുരണം
ഭൂവാസികൾ സന്തോഷചിത്തരായി
ഭുവനവും ഗഗനവും ദനഹായിലൊന്നായി

1 08, 2018

കരുണയിൽ ഉപവാസം

By |August 1st, 2018|

കരുണതൻ കനിവാലുരുവായി
കർത്രുകരങ്ങൾ താങ്ങി നടത്തി
കണക്കില്ലാതനുഗ്രഹങ്ങൾ ചൊരിഞ്ഞു
കാവൽ മാലാഖതൻ കരുതലും തന്നു

വലുതായി വളർന്നു ഞാനുലകിൽ
വൻപ്രേരണകൾ നിറഞ്ഞെൻ മിഴിയിൽ
വല്ലാത്ത മോഹങ്ങൾ ചിത്തം നിറച്ചു
വല്ലഭനെ വെടിഞ്ഞലഞ്ഞുൻമത്തനായ്

സത്യമാണന്വേഷിച്ചതീഭൂവിൽ
സുഖം തേടിയാണലഞ്ഞതുലകിൽ
സംഘർഷഭരിതമായെൻ യാത്ര
സനാതനസത്യമാമുണ്മയെവിടെ?

കരുതലുള്ളവൻ കരങ്ങൾ നീട്ടി
കരുണയോടവൻ വിളിച്ചു, വരിക തിരികെ
കണ്ടു ഞാനാക്കണ്ണിൽ തിളങ്ങുന്ന സത്യം
കരഞ്ഞു ഞാനനുതാപത്താൽ, ഉരുകി ഹൃത്തം

ഓ എൻ പ്രിയനെ എൻ പരനെ
ഓ എൻ ഉണ്മയെ എൻ ജീവനെ
ഓ എൻ സത്യമെ സനാതനസത്യമെ
ഓ എന്നുയിരെ കനിയണേ നിന്നിലലിയുവാൻ